AZE
Rüfət Qədəşov Orta Doğu Teknik Universitetində təhsil almış, insan resursları sahəsində 10 ildən artıq təcrübəsi olan peşəkar mütəxəssisdir. O, xüsusilə, insan resursları planlaması, işə qəbul, mükafatlandırma, motivasiya, performans dəyərləndirmə və əsas səmərəlilik göstəriciləri üzrə sistemlərin qurulması və tətbiqi üzrə ixtisaslaşmışdır.
Rüfət Qədəşov 2009-cu ildə Akkord şirkətlər qrupunda insan resursları üzrə mütəxəssis, 2009-2011-ci illədə Azərsun Holdingdə insan resursları üzrə aparıcı mütəxəssis, 2011-2015-ci illərdə Azərsu ASC-də İşəqəbul şöbəsinin rəisi, 2015-2018-ci illərdə ANC Group MMC-də (Rahat Marketlər şəbəkəsi) İnsan Resursları şöbəsinin rəisi, 2018-2019 Saffron retoranlar şəbəkəsi İnsan Resursları şöbəsinin rəisi və Avrora şirkətində İR üzrə biznes partnyor, 2019-cu ildə hazırki tarixədək “Bakı Metropoliteni” QSC-nin Təlim-Tədris Mərkəzinin rəisi vəzifəsində çalışır.
Rüfət Qədəşov İnsan Resurslarının idarə edilməsi, layihələrin idarə edilməsi və insan resursları üzrə sertifikatlaşdırılmış beynəlxalq təlimlərin iştirakçısıdır.
Rüfət Qədəşov çalışdığı bir çox şirkətlərdə işə qəbul sisteminin qurulması, kadr ehtiyat bazasının formalaşdırılması, gənc mütəxəssislərin cəlb olunması və karyera inkişafının tətqibi, imtahan sual bazasının hazırlanması, elektron imtahan sisteminin qurulması, İR sisteminin təkmilləşdirilməsi, prosedurlarin hazırlanması, işçi sayılarının optimallaşdırılması, motivasiya və bonus sisteminin qurulması, daxili və xarici təlimlərin təşkili ilə bağlı bir çox layihələri həyata keçirib.
