Ümumi hüquqi dəstək

Biz, korporativ müştərilərimizə gündəlik fəaliyyətinin tam hüquqi müşayiət olunması ilə bağlı ümumi hüquqi dəstək  xidmətləri göstəririk.

Bunlara daxildir:

• Müxtəlif növ sənədlərin (müqavilələr, əlavə razılaşmalar, aktlar, əmrlər, rəsmi yazışmalar, protokollar, hesabatlar və digər sənədlər) tərtib olunması;
• Müxtəlif növ sənədlərin hüquqi ekspertizası, onlara dair hüquqi rəylərin verilməsi;
• Müştərilərimizin müxtəlif qurumlar və şəxslər qarşısında təmsil olunması;
• Hüquqi yanaşma tələb edən görüşlərdə birgə iştirak;
• Müştərilərimizin cari fəaliyyəti ilə əlaqəli olan bütün digər gündəlik məsələlərin hüquqi tənzimlənməsi. 

Şirkətiniz üçün peşəkar hüquqşünaslar tərəfindən hüquqi müşayiətin üstünlükləri:

1. İlk növbədə istənilən müstəvidə həm daxili həm də xarici əlaqələrdə bu sizin daha etibarlı və qanunvericiliyə uyğun fəaliyyət göstərən tərəfdaş olduğunuzu təsdiq edir;
2. Mütəmadi hüquqi dəstək şirkətinizin üzləşə biləcəyi problemlərə/risklərə reaktiv deyil (hadisə baş verəndən sonra), proaktiv (hadisə baş verməmişdən əvvəl) yanaşmaq imkanı verir. Proaktiv olmaqla siz, şirkətinizin biznes risklərini azaltmış olursunuz;
3. Şirkəti böyük risklərdən və maliyyə itkilərindən qoruyur. Bununla bərabər işgüzar nüfuzunuzu qorumağa yardımçı olur.

Legalize komandasının bu sahədə təcrübəsi:

• Komandamızın bu sahədə 15 ildən artıq təcrübəsi olan əməkdaşları mövcuddur;
• Dövlət qurumuna Azərbaycan, rus və ingilis dillərində 2 ildən artıq müddətdir ki, tam hüquqi dəstək xidməti göstəririk ;
• Tikinti sahəsində fəaliyyət göstərən yerli şirkətlər qrupuna Azərbaycan, rus və ingilis dillərində tam hüquqi müşayiət xidməti göstəririk;

Rus investor şirkəti üçün bütün hüquqi proseslərin həyata keçirilməsi və müşayiəti xidməti göstəririk;