Dövlət satınalmaları

Biz, müştərilərimizə dövlət satınalmaları qanunvericiliyinin tətbiqi ilə bağlı hüquqi və məsləhət xidmətləri göstəririk.

Bu sahədə xidmətlərimizdən həm satınalan təşkilatlar, həm də malgöndərənlər (podratçılar) faydalana bilər.

Xidmətlərimizə aşağıdakılar daxildir:

• Dövlət satınalmaları qanunvericiliyinin tətbiqi ilə bağlı hüquqi rəylərin verilməsi;
• Bir mənbədən satınalma metodundan istifadə zamanı hüquqi dəstək;
• Satınalan təşkilatlar üçün elektron satınalma vasitəsilə açıq tenderin keçirilməsi və prosesin tam hüquqi müşayiət olunması;
• Satınalan təşkilatlar üçün kotirovka sorğusu prosedurunun keçirilməsi və həmin prosedurun tam hüquqi müşayiət olunması;
• Satınalan təşkilatlar üçün təkliflər sorğusu prosedurunun keçirilməsi və həmin prosedurun tam hüquqi müşayiət olunması;
• Malgöndərənlər (podratçılar) üçün elektron satınalma vasitəsilə açıq tenderdə iştirakla bağlı zəruri sənədlərin hazırlanması, satınalan təşkilata təqdim olunması və prosesin hüquqi müşayiət olunması;
• Malgöndərənlər (podratçılar) üçün kotirovka və ya təkliflər sorğusunda iştirakla bağlı zəruri sənədlərin hazırlanması, satınalan təşkilata təqdim olunması və prosesin hüquqi müşayiət olunması;
• Satınalan təşkilatların hərəkət və ya hərəkətsizliyindən Antiinhisar və İstehlak Bazarına Nəzarət Dövlət Xidmətinə şikayətlərin verilməsi;
• Satınalan təşkilatların hərəkət və ya hərəkətsizliyindən Antiinhisar və İstehlak Bazarına Nəzarət Dövlət Xidmətinə malgöndərənlər (podratçılar) tərəfindən verilmiş şikayətlərlə bağlı satınalan təşkilatların hüquq və mənafelərinin müdafiəsi;
• Dövlət satınalmaları ilə bağlı yaranmış mübahisələrin məhkəmə qaydasında həlli ilə bağlı hüquqi xidmətlərin göstərilməsi.